غريب

غريب مع اني من اهلك
غريب مش عارف اندهلك
غريب مش عارف احكيلك
ولا اشكيلك
ولا ابكيلك
غريب قلبي يغنيلك
غريب مش عارف اوصلك
غريب مش عارف السكة
غريبة علي قلبي ليه الضحكة؟
غريب علي قلبي احساسك
غريب مع اني من ناسك
غريب عايش ف دوامة
غريب والتوهة وخدانا
غريب فيكي يا اوطانا
غريب حلمك واحلامنا
غريب ولا عارف اتهني
غريب عايش بدون احساس
غريب اسمي وكل الناس
غريب حاسكت غريب وخلاص

عربي انا

عربيٌّ أنا أ ر ثـيـنـي.. شقّي لي قبراًً .. و ا خـفـيـني
ملّت من جبني .. أ و ر د تـى... غصّت بالخوف شرا يـيـني
ما عدت كما أمسى أسداً.. بل فأر مكسور العينِ
أسلمت قيا د ى كخروفٍ... أفزعه نصل السكينِ
ورضيت بأن أبقى صفراً.. أو تحت الصفرِ بعشرينِ
ألعالم من حـو لى حرٌّ.... من أقصى بيرو إلى الصينِ
شارون يدنس معتقد ى... ويمرّغُ فـي الوحل جـبـيـني
وأميركا تدعمه جهراً... وتمدُّ النار ببنزينِ
وأرانا مثلُ نعاماتٍ ... دفنت أعينها في الطّينِ
وشهيدٌ يتلوهُ شهيدٌ ... من يافا لأطراف جنينِ
وبيوتٌ تهدمُ في صلفٍ ... والصّمت المطبقُ يكو يني
يا عرب الخسّةِ د لونى... لزعيمٍ يأخذ بيميني
فيحرّر مسجدنا الأقصى.... ويعيد الفرحة

عن الاصولي الثائر

الايام دي بقرا كتاب عن جمال الدين الافغاني


شخصية عجيبة جدا ومثيرة للجدل


لدرجة انك مش عارف تمسك افكاره

ولا تعرف انه كان بيفكر ازاي

الواضح انه كان متطور باستمرار

تقدر تقول باحث عن الحقيقة


وكان اتهم باتهامات عديدة


منها ان كان شيعي او عميل للغرب وفي ناس قالوا انه كان ملحد


وانه كان ماسوني وناس تانية تقول لاء ده كان بهائي


ف الحقيقة لا احد ينكر ان جمال الدين الافغاني


هو مفجر ثورة الشرق وموقظ الصحوة الاسلامية الحديثة ومجدد الاصولية الاسلامية

مجدد بمعني الكلمة

عاش بالاسلام وللاسلام


عاش ثائرا ومات حرا


لم يعلم احد بموته وقيل انه مات مسموم


وادعي السلطان العثماني انه مات بالسرطان


ماحضرش جنازته غير اتنين

ومحدش رثاه غير تلميذه محمد عبده

قال اني ابي جعلني اشارك الحياة مع علي ومحروس

اما الاستاذ جمال الدين جعلني اشارك الحياة مع ابراهيم وموسي وعيسي ومحمد عليهم الصلاة والسلام

ولوكنت شاعر لرثيته شعرا ولكنني لست بشاعر

ولوكنت ناثر لرثيته نثرا ولكنني لست بناثر

ولكنني انسان ولن ارثيه الا بلغة المشاعر

الكلمات مؤثرة جدا احمد هاشم صاحبي قالي كده لما سمعها

الراجل ده انا اعجبت بيه جدا

علي الرغم من الاتهامات الي اثيرت ضده

اولا لانه مش شيعي كان بينتقد موضوع عصمة الامام عند الشيعة

اما بالنسبة للتقية فهو عرف عنه جرأته في الحق ودي اللي سببت له مشاكل كتير جدا

بالنسبة للالحاد اتهم بذلك لانه كان ساعات كان بيستشهد باقوال للفلاسفة

وده مافهوش حاجة خالص

وف نفس الوقت كتب كتاب اسمه الرد علي الدهريين فازي يتهم بالالحاد ؟ وتلميذه محمد عبده بيقول عنه انه كان مثابرا علي اداء
الطاعات وانه كان سني اشعري

يميل الي التصوف


هل هو كان ماسوني؟

هو فعلا انضم للمحفل الماسوني بس ماكنش يعرف انه ليه علاقة بالاستعمار لان المحفل الماسوني كانت سمعته كويسة ف الوقت ده

ولما عرض عليهم العمل معاه لمواجهة الاستعمار واستبداد الحكام رفضوا فخرج من المحفل واسس هو المحفل الوطني ومنه خرجت شرارة


الثورة العرابية

جمال الدين الافغاني شخصية مليئة بالنشاط والحيوية والتجدد والعطاء والثورة علي الموروث ومواجهة الظلم

اكيد حاتكلم عنه كتير بعد كده

النسا والتوليد

بدات الاسبوع ده سنة سادسة


الواحد حاسس انه كانه امبارح لسه داخل الكلية


المهم احنا بدانا السنة دي نسا وتوليد


كنت النهاردة ف العمليات


شوفت ولادة طبيعي وقيصري واوفريان سيست و بايوبسي من السيرفيكس


صراحة حمدت ربنا اني طلعت راجل


الولادة دي شيء صعب جدا الحمد لله والله


بس شيء عجيب جدا ف النهاية الالم بيروح والهرمونات بتتظبط اول ما الام


بتشوف ابنها او بنتها سبحان الله


صحيح اللي قال الانسان ده عامل زي البني ادم بالظبط


هههههههههههههههههههههههههههههههههههه


ربنا يستر بكرة في ايه؟؟؟

انا انسان

هنا انا اعبر عن ذاتي انا


لااعبر عن احد الا انا


لذلك اقبلوني باخطائي وافكاري


عشان انا انسان